وتىرار اۋدانىنداعى بالتاكول، ماياقۇم ەلدىمەكەندەرىندە شاعىن ارناۋلى الەۋمەتتىك قىزمەت كورسەتۋ بولمەلەرى اشىلدى.
قازاقستان رەسپۋبليكاسىنداعى مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012–2018 جىلدارعا ارنالعان ءىس-شارالار جوسپارىنىڭ ءۇش كەزەڭىن نەگىزگە الا وتىرىپ، ءار جىل سايىن تيىسىنشە جۇزەگە اسىرىلىپ كەلە جاتقان يگىلىكتى شارا بيىلعى جىلى اتالعان ەلدىمەكەندەردە دە قولعا الىنعان بولاتىن.
ارناۋلى الەۋمەتتىك قىزمەت ساپاسىن جاقسارتۋ، مۇگەدەكتىگى بار بالالاردى بولاشاقتا قوعامدىق ورتادا ءوزىن-وزى ۇستاۋعا، ادامدارمەن ەمىن-ەركىن قارىم-قاتىناس جاساۋعا، ءوزىن تەڭ دارەجەدە سەزىنۋگە ۇيرەتۋدى ماقسات ەتكەن ارنايى بولمەلەردىڭ سالتاناتتى اشىلۋىنا قاتىسقان وتىرار اۋدانىنىڭ اكىمى ايتاحانوۆ ەرلان قۋانىش ۇلى تۇرعىندار مەن بالالاردى قۋانىشتارىمەن قۇتتىقتاپ، لەنتاسىن قيدى.
"ەلباسىمىز نۇرسۇلتان ءابىش ۇلى نازاربايەۆتىڭ باستاماسىمەن ەلىمىزدە مۇمكىندىگى شەكتەۋلى ازاماتتارعا قامقورلىق جاساۋ باستى نازارعا الىنىپ وتىر.
ەستەرىڭىزدە بولسا، وتكەن جىلدىڭ سوڭىندا ۇيدە الەۋمەتتىك كومەك كورسەتۋ مەكەمەسى جانىنان الەۋمەتتىك قىزمەت كورسەتۋ ورتالىقتارىنىڭ جەلىسىن دامىتۋ ماقساتىندا سىيىمدىلىعى شاعىن الەۋمەتتىك كۇندىزگى قاتىناۋ بولمەسى اشىلىپ، قىزمەت كورسەتۋدە.
بۇگىندە اۋدان بويىنشا مۇمكىندىگى شەكتەۋلى بالالارعا ۇيدە الەۋمەتتىك قىزمەت كورسەتۋ بولىمشەسىندە 89 مۇمكىندىگى شەكتەۋلى بالالار كۇتىمگە الىندى"-دەگەن اۋدان باسشىسى بۇلدىرشىندەرگە ارنايى سىيلىقتار تابىس ەتتى.
وتىرار اۋدانى اكىمدىگىنىڭ قولداۋىمەن، كاسىپكەرلەردىڭ دەمەۋشىلىگىمەن جابدىقتالعان الەۋمەتتىك بولمەدە مەديسينالىق، پسيحولوگيالىق، پەداگوگيكالىق، مادەني كومەكتەر كورسەتىلەدى.
باستاماعا اۋىل تۇرعىندارى مەن اتا-انالار دا العىستارىن ءبىلدىردى. بالا كۇتىمىمەن جۇمىسقا شىعا الماي، الاڭداعان انالار بالالارى ءۇشىن جاعداي جاساپ، قولداۋ كورسەتكەن اۋدان باسشىلىعىنا ريزاشىلىقتارى شەكسىز ەكەندىگىن جەتكىزدى.
